其實開心很簡單 最緊要好玩

今日工作雖然很忙碌，連趕三場，由中環一路做嘢做到灣仔。不過，其實又沒有甚麼好寫的，倒不如寫三個黃金對話出來：

1)天堂
大老闆：嫲嫲！
嫲嫲：什麼事？
大老闆：係天國住好不好的？
嫲嫲：天國當然好啦！可以和天父一起好開心的生活。
大老闆：咁點樣可以返去到天國？
嫲嫲：哦，當然要好乖的，才可以在死後上去天國！
大老闆：咁嫲嫲，你幾時先至死啊！
嫲嫲：......！


2)加強輔導班
細老闆：哥哥！加強輔導班是怎樣上堂的啦？
大老闆：玩遊戲囉！一路玩一路學嘢，好開心㗎！
細老闆：你就好啦，我都好想上加強輔導班啊！
大老闆：唔係個個都上得㗎！要好似我咁有問題先至得㗎！
大人：.....！


3)食飯
大人：快些食飯啦！
大老闆：.....
大人：食多啲飯餸先至會大隻，隻手先至會有老鼠仔嗎！
大老闆：.....
大人：唔食嘢就瘦到好似條沙藤條的了！
大老闆：.....
大人：你話大隻有老鼠仔利害，還是沙藤條利害？
大老闆：梗係沙藤條利害啦，打落嚟好痛㗎！
大人：.....！


以上對白全屬真實發生的，我和大人聽後，都唔知笑好定喊好！