Woo⋯愛我吧 不是說笑話

一般而言，細老闆講嘢通常都一本正經的，至多是間唔中故意的嗲下你。不過只要你的說話一有語病，她的利害詞鋒便會殺過來了(++可會考慮將來收她為徒)。所以要收集細老闆的黃金對話，是有相當難度的。今期有幸終於都有兩則對話可以登場，請看黃金對話第三輯：

1)鍚鍚
大人：細老闆！
細老闆：唔！
大人：誰最鍚妳啊？
細老闆：媽媽囉！
大人：是嗎！還有呢？
細老闆：爸爸囉！
大人：啊！還有沒有啊？
細老闆：唔⋯⋯哥哥囉！
大人：是啊！其實哥哥最鍚妳，鍚到妳燶！
細老闆：哎吔！
大人：什麼事？
細老闆：(古惑地笑著)我燶左添！

2) 汗
細老闆：哎吔，流到滿頭汗添！
字悠人：流汗好吖，可以把身體內的污糟嘢流晒出來。
細老闆：啊！咁好㗎。大老闆，大老闆！
大老闆：乜事！
細老闆：快的流多啲汗啦，可以將的污糟嘢流晒出來，咁就唔需要洗頭喇！
字悠人：⋯⋯！

3) I Love You
字悠人：大老闆？
大老闆：嗯！
字悠人：大老闆鍚唔鍚我？
大老闆：呵呵！當然鍚啦！
字悠人：唔！I Love You!
大老闆：呵呵呵！I Love You⋯⋯Boyz
字悠人：⋯⋯！