美味牛肉通粉

青菜、牛肉、通粉，是普通又普通不過的組合。不過今晚大人做的「牛通」比起日常吃到的行貨又好好多。

通粉和牛肉都是小姨從荃灣某街市買來的。難得牛肉肉質「霖」而不散，有咬頭而不韌。通心粉不是甚麼超市名牌的XX亞姨，而是街市的散裝通粉。不過唔好睇小街市貨，聽小姨講這些散裝通粉是供應區內的食肆用的，質素唔錯的。結果又幾驚喜的，套我家的大老闆所說的，唔硬、彈牙、好食！其實連通粉的湯底，都是街市內某店舖出品的濃縮湯包(不是粉狀的，但也要加水溝淡來用)。

所以不是名牌超市先至有女子嘢，其實好多街市內的店舖，都是臥虎藏龍，細心找找都會找到真正又平又靚的貨品！連我家大人都諗著叫小姨幫她入多些牛肉來存倉！

賣相唔係好靚，不過又好好味的牛肉通粉！