最好出一身一臉熱汗 痊癒便靠這配方

世貿會議第二日，兩位老闆的世貿假期的第三日。

今日沒有活動，因為大老闆病了！

大老闆有否患病是不需要他自己講的，睇都睇得出，呃唔到我吔。如果在平時，大老闆唔係身郁就是口郁，總之是冇時停的。但只要他一病了，他便會停止所有的活動，郁都唔多願郁，連個樣都會謝晒。所以今早叫他起身時，就知到有的問題。用探熱針探一探，有微燒、後來還有少少嘔，與及隻腳仔痛，看樣子他是患了感冒！大老闆患病的另一個特徵，便是會變得十分嬌嗲，黐著你唔放，小小事便喊到淚流滿面。所以大人便要一直陪著他，唔走得開，只能在他睡著的時候做家務。好在細老闆都好識做，雖然很悶但都是自己走去畫公仔，冇煩著大人。不過到夜晚我回家時，她就一直黐著我補數。於是，兩個軟綿綿的人仔就依在我左右坐。

咪睇大老闆平時生生猛猛，但每年冬季大人就擔驚受怕。只從大老闆三歲時入過醫院,每年這個時候他都很容易會感冒。醫生說他的氣管比較敏感，曾經擔心過會變成哮喘。這幾年來大人又湯水，又維他命C打底。天氣有少少涼意，便立即添衣。大老闆患感冒的次數已經少了很多，不過到聖誕前後，總要探探醫生叔叔去攞禮物一次。尚幸今晚返家時，他已好了很多，復原得比以往快。再加上吃了感冒藥，明天應當會精神番了。

由於冇時間煮飯煮餸，所以今晚就改吃一品窩餃子上海湯麵。雖然大多數是存貨，但都好有睇頭，絕不馬虎！