被我引得開心 笑一笑

四月一日愚人節

愚人節，當然是要整蠱吓人。例如redirect個網頁到其他的網站去，或是放隻木馬在網頁中，等訪客中招。嘿嘿嘿…！可惜這兩種方法我都不懂得如何做，所以各位可以放心，瀏覽我個網誌是絕對安全的。

但是總要應下節吧，只好又來個黃金對話了：


1)貴姓芬名
大家姐：(兩年沒見)Hi!
眾堂、表弟妹：⋯⋯！
大家姐：仲認不認得我吖！
眾堂、表弟妹：⋯⋯！
大家姐：知不知道我叫什麼名吖？
眾堂、表弟妹：⋯⋯！
大老闆：(高高的舉起他的手)我知，妳叫⋯家⋯姐！
大家姐、眾堂、表兄弟姊妹：⋯⋯！

2)唔比妳錫
大人：妳咁激我！等我生個細妹，錫晒佢唔再錫妳！
細老闆：哼！我會照顧佢，唔比妳錫佢！
大人：⋯⋯！
大老闆：妳都唔再生囉，咁點會仲有細妹呢？
大人：⋯⋯⋯！

3)累
字悠人：大老闆做乜蹲在地下，快起身！
大老闆：隻腳累吖嗎！
字悠人：隻腳會累？！你早上返學時坐校車唔需要行的！
大老闆：嗯！
字悠人：今日沒體育堂，你整日都是坐著上課的！
大老闆：嗯！
字悠人：到婆婆屋企又是坐著做功課冇出街！
大老闆：嗯！
字悠人：咁隻腳怎會累呢？如果隻腳累頭先食飯你又走來走去？
大老闆：咁坐得多坐到腳痺嗎，咁咪要走吓囉！走得多而家隻腳咪累囉！